Pancake配和牛海鮮? 新食法男友陪食都有食神 | Gram銅鑼灣店開幕| likemagazine.com.hk
Shopping

Pancake配和牛海鮮? 新食法男友陪食都有食神 | Gram銅鑼灣店開幕

自從日本pancake風吹到來香港,女生們終於不用山長水遠飛去日本搵「幸福」!其中一間攻陷港女心的日本人氣pancakegram cafe & pancakes,繼去年在尖沙咀開店後,成為長期見人龍的食店外,今年再下一城,在銅鑼灣開設旗艦店。將於23日開幕的新店,除了有女生最愛的甜味厚班戟外,還推出鹹食班戟,顛覆傳統班戟概念,勢要一班陪女友來的男生都有口福,唔使齋睇陪食!

 

班戟店是女生的朝聖地,gram cafe & pancakes新店當然要先照顧呢班忠實fans。超人氣Premium pancake3層厚厚班戟好似梳乎厘一樣咁柔滑,加上楓糖漿和牛油,以及軟滑的忌廉,完美配搭,難怪女生試過便愛上。呢款班戟採用日本空運材料即叫即造,每日只於上午11時、下午3時及6時供應,每時段20份,先到先得。

 

即使未能試到呢個經典招牌班戟,一眾女粉不用失望,新店準備了新口味給大家細味品嚐。焦糖蜜桃朱古力慕絲班戟($108),一次滿足愛朱古力又愛班戟的女生願望。班戟的朱古力味都幾重,配以用比利時朱古力造的慕絲,啖啖朱古力香甜。伴碟有士多啤梨和經過輕烤的蜜桃,在甜以外帶來一點果香,女生應該like

 

好多人一直認定班戟一定是甜食,其實將之變鹹,一樣掂!gram cafe & pancakes新推出的意大利黑松露醬虎蝦班戟($138),不但將班戟換上鹹味,還將之變成主菜!因為用上松露醬烹調,班戟上枱時香到不得了,食慾大增。越南虎蝦都幾大隻厚肉,味道鮮甜。墊底的班戟保持鬆軟可口,同樣是澱粉質,取替白飯,一樣飽肚,食味有新鮮感。班戟粉在熱板上畫花製成的班戟網,好似魚網網住虎蝦,賣相有心意。

 

創新推出鹹味班戟,口味點只一款咁少?另一款應該更容易討好男生心的是日本和牛班戟($48),用上飛驒和牛,牛肉打成肉碎製成漢堡扒,牛味醇厚,肥瘦剛好,入口即溶。兩片薄身班戟像口袋包著和牛,還有車拉芝士、新鮮蔬菜和番茄,拌以日式沙律汁。整體感覺其實是漢堡包的變革版,把麵包變為班戟。日本和牛班戟只限外賣,所以好啱飯餐喜歡食快餐漢堡的男生,新口味加添新鮮感。

 

話明人氣店,堂食滿座,但好想好想好想試到班戟的美味?gram cafe & pancakes提供全新Cool Premium外賣服務,每件$35,鬆化pancake夾著用新鮮奶油加自家吉士製成的cream,每啖輕如浮雲滑如絲,買返屋企煲住劇歎最啱。

 

特別一提,新店開放有優惠喎!23日至4日在銅鑼灣旗艦店及尖沙咀店幫趁,每日首50張單可獲全單半價折扣。想試新嘢又要著數,早啲去排隊等入座喇!

 

INFO

gram cafe & pancakes銅鑼灣旗艦店

地址:銅鑼灣謝斐道535號Tower 535 地下1號舖

網址:www.cafe-gram.com/hongkong/

 

TEXTJosi Yan

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
環球美妝護膚品開倉精選貨劈價$1 mini可口可樂29/4超市率先賣 譚仔夏日新品:巧香辣G大祥配傷鍊落 UNIQLO星戰Tee日本潮人操刀設計 Melissa迪士尼童鞋登場迎雨季 Café&Meal MUJI味覺輕旅行 Snaptee買T-shirt兼為喜愛Sanrio人物投票 創意班尼迪蛋4色海鮮配搭