團年飯搞新意 中日韓美食潮慶新年| likemagazine.com.hk
購物

團年飯搞新意 中日韓美食潮慶新年

繼續新年系列。新年不少得食團年飯、開年飯,按傳統,多數人會去中式酒樓酒家,成棚人圍埋食鮑參翅肚、鑊氣小菜、炒粉麵飯,但可以有啲有意嘛?呢個年代,要夾埋成棚人一齊食飯唔容易,要大家盡興,有下次再聚機會,揀食乜唔可以隨便。潮慶新春,可以有幾創意?

 

富貴火鍋豪歎笑呵呵

香港人是「邊爐精」,明明冬天先係打邊爐時候,因為愛,不惜大熱天時開住冷氣打邊爐。既然全年都可打邊爐,過年點解唔用打邊爐來過節?火鍋熱點「酒鍋」推出「新春外賣套餐」,可供46位用,每位港幣$438打邊爐湯底很重要,過年要豪氣要派頭又好意頭,「魚游佛跳牆」作湯底,睇得食得又有心思。湯底是新鮮熬製的雞湯,加入冬菇、鮑魚、瑤柱、海參及素翅等上等食材,以慢火蒸燉超過10小時,打邊爐都可以很富貴。新春事事要好意頭,以鮮墨魚滑製成的「富貴錦鯉」,綴以色彩繽紛的食用花朵,靚到唔捨得食落肚。套餐內還有多款為豬年而設的火鍋配料,如「金豬報喜」丶「流心芋茸墨魚丸」丶「鵝肝醬匈牙利鬈毛豬肉丸」及「魚子醬匈牙利鬈毛豬肉餃」。另有「酒鍋」12款人氣配料,如「即炸黃金魚皮」丶「掛架頂級安格斯牛小排」、「日本黑毛豬腩肉」、「即炸手工紫菜響鈴卷」及「黑松露蝦蟹餃」等,人人食到笑呵呵。120日至219日期間惠顧「酒鍋」外賣火鍋服務滿$4,000,即可享85折優惠;滿$3,000則可享9折優惠。

新春外賣套餐

 

富貴錦鯉

鵝肝醬匈牙利鬈毛豬肉丸

 

迎春魚生齊齊「撈起」

年輕人聚會,壽司刺身永遠最受歡迎。新年聚首,要食生但要好意頭?元気寿司外賣新年盛全新 加入特色賀年食品「風生水起有撈起」($198),啱晒心意!撈起的 寓意是愈撈旺、風生水起。 三文魚刺身片片甘甜,大伙兒拎起筷子,大叫一聲「撈起」,把多款傳統食材與特製梅子醬汁及薄脆混合,好玩又好氣氛,同時食得開心。「大滿足壽司盛」($420),陣容鼎盛,包括:三文魚腩壽司、油甘魚壽司、螺片壽司、蒲燒鰻魚壽司等,共有40件,睇見已經大滿足,一盤供56人食用。2019 1 20日至 2 1日期間優先訂購元気外賣新年 盛,元気會員可享 8折優惠 ;恒生信用卡客戶可享 85 折優惠;而一般客戶亦有9折優惠啊!

 風生水起有撈起

大滿足壽司盛

 

 

精緻韓燒過新年

團年飯,有大圍食,也有小家庭幾個人的聚會。人不多又想食得有新意,不如試試韓燒!《炑八韓烤》率先推出兩款新春限定套餐,讓你「韓」食過年。「濟州盆盆滿新年餐(2人分量)的燒烤拼盤既有海鮮又有肉食,包括:加拿大進口的龍蝦、肉嫩罕有的護心肉、煙韌帶有咬口的豬腸、肉質彈牙豬肩肉、豬背肉、炑八皇牌厚切豬五腩。套餐配有傳統韓國小食「泡菜煎餅」,外脆內軟的餅皮,再配合自家製的酸辣泡菜,惹味可口。「貴妃韓牛賀歲宴 (34人分量) 燒烤拼盤份量十足,包括:人氣牛小排、加拿大牛舌、韓牛西冷、牛臉肉、濟州芝士八爪魚、爽口鮮甜仁川珍寶大蝦。套餐同場加配的還有「甕醃韓牛五花肉」,選用頂級1++韓牛,再配合蘋果蓉、秘製燒汁、蔥、蒜頭一起醃製,果蓉的酸性能軟化牛肉纖維,令肉質軟嫩同時富有果香,口感頓時提升。兩個新年套餐都包括韓國宮廷料理的經典前菜「九節坂」(구절판),這道菜古時只會在韓國宮庭宴會或重要節日慶典時才會品嚐得到。九節坂的口味以簡單清新為主,將食材自由配搭放在薄餅皮上,配以韓式甜辣醬汁卷起吃,寓意團聚匯合,合家平安。

 濟州盆盆滿新年餐

 貴妃韓牛賀歲宴

 

九節坂

 

 

INFO

酒鍋      www.tdpdelivery.com

元気寿司            https://festiveorder.genkisushi.com.hk

炑八韓烤            https://www.facebook.com/meokbangbbq

 

 

TEXTJosi Yan

 

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

 

相關文章
【陪著你走】《鱷魚君最後的100天》期間限定店│4大打卡位 +  日本直送精品【陪著你走】《鱷魚君最後的100天》期間限定店│4大打卡位 + 日本直送精品 【暑假玩樂】Pinkoi 10周年九龍灣開市集│miffy & SNOOPY 聯乘快閃店再登場【暑假玩樂】Pinkoi 10周年九龍灣開市集│miffy & SNOOPY 聯乘快閃店再登場 【打卡熱點】尖沙咀7-Eleven X可口可樂概念店│換購茶餐廳積木模型+品嚐限定特餐【打卡熱點】尖沙咀7-Eleven X可口可樂概念店│換購茶餐廳積木模型+品嚐限定特餐 【Hellosss打卡集郵】首架黑白x Ian巴士港九出巡│買黑白奶茶換Ian簽名海報【Hellosss打卡集郵】首架黑白x Ian巴士港九出巡│買黑白奶茶換Ian簽名海報