小記私人搵食手記:旺角篇 可以encore的美食廣場| likemagazine.com.hk
Shopping

小記私人搵食手記:旺角篇 可以encore的美食廣場

人多車多的旺角,向來唔係小記搵食之地,因為多數餐廳食肆地方細,座位有咁窄得咁窄,坐得唔舒服,而且食物水準強差人意,但求填肚,沒美味可言。前排有幾天小記有事在身,被逼在旺角奔波,晚飯時間肚仔打鼓,無奈要在呢區開飯,本來無期望,點知搵到驚喜,對旺角有番啲好感。

 

第一個令小記喜出望外的搵食點,就是旺角新蒲點T.O.P商場。位於地庫的「旺角煮場」,其實係food court,有6間食店駐場,組合有新意,包括:「鴻師傅」、北海道人氣拉麵店「味の時計台」泰式餐廳「Khaosoi House」、香港飲茶老字號「蓮香」、本來只在機場客運大樓離港大堂才有的以及「Cornerstone Cafe」。小記和友人幫襯「旺角煮場」兩次,頭號心水推介有「鴻師傅」。「鴻師傅」由「阿鴻小吃」黎偉鴻創辦,「阿鴻小吃」曾連續5年獲米芝蓮一,出品有水準。旺角呢間「鴻師傅」,食物選擇唔算多,主打家常小菜、炒粉麵飯和煲仔飯。小記試過煲仔飯,真心講以$62來講,還要旺角區,絕對食得過,而且是百分百誠意之作。當日order是「泡菜腩肉煲仔飯套餐」,跟一碗家庭式老火例湯。煲仔飯製作需時,約要等1015分鐘。煲仔飯的精髓是飯底,打開煲蓋,飯香飄飄,還有少少焦香味,餓到肚打鼓即時口水流,知道對路,是有飯焦的煲仔飯。澆上特製的豉油,鹹淡味適帶甜香,和白米飯混合起來,美味得淨飯唔使餸都食得晒。腩肉切薄片,肥瘦均勻,肉嫩可口。泡菜是點睛之作,別被其紅噹噹顏色嚇窒,微微的辣,解去煲仔飯的油膩感,配搭得很好。不得不提的是家庭式老火例湯,無味精,落足料煲,好似屋企媽媽煲的一樣。

 

另一檔都值得幫襯是「Khaosoi House」,呢間店在泰國清邁有點名氣,清邁機場和台北車站都有分店。小記睇菜牌見是日推介「清邁咖喱雞湯麵」,張相幾吸引,價錢$58,所以即管一試。咖喱是泰菜的特色,原來不同地區的咖喱又各有特色。先試一口清邁咖喱,重椰奶重香料,相信加入大量香茅、南薑等,所以味道甘香,而且食得出加入青檸葉,有點清香。辣味慢慢滲出來,不搶喉,好味!雞肉經過長時間咖喱浸煮,入晒味,而且非常腍,筷子一夾肉骨即分離,雞肉仍嫩滑。亮點是頂頭的橙黄色炸脆的蛋麵條,撈埋咖喱和碗內的煮腍咗麵條一併食,有軟有硬有脆有濕,食味層次豐富。小記還試了菠蘿炒飯,價錢$48,在旺角來講好有競爭力。飯面有兩隻大蝦,爽口的,有蝦味。飯炒得乾身,加入彩椒粒、雞蛋、腰果和葡萄乾,誠意可嘉。

 

由於呢個food court甚有水準,小記某日路過,再encore。呢次幫襯咗主打漢堡意粉的「Cornerstone Cafe」。漢堡加薯條有多個款式,價錢$68$76;意粉有3款,價錢$42$45。小記點咗意式卡邦尼意粉,另加點一碗蔬菜湯,一白一紅,平衡食味。咪睇碟意粉平過餐廳,以為味道一定很一般,相反,堅有驚喜,分分鐘好食過中價西餐廳。奶油味濃得來不會太黏口,意粉不是軟啤啤,而是做到高級餐廳的al dente,加入少量煙肉,惹味。蔬菜湯又係足料,以幾十元食個餐來計,呢餐唔失禮之餘,還令人覺得滿意。

 

 

INFO

旺角煮場

地址:旺角彌敦道700T.O.P商場地庫

 

 

TEXT:黎力勤

 

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
下午茶歎日式火鍋 溫野菜下午茶套餐$59起 Victorinox鑽石山店搬遷 精選貨品低至3折 MÖVENPICK雙球杯裝 買1送1只限觀塘店 4球優惠價$69 喜茶尖沙咀開新店 必試金玉MINI茶 首3天限量送MINI袋 復活節自助餐早鳥優惠 官網訂6折成人晚餐$300 每日限50位訂位! 麥當勞和風漢堡第二浪 用App點餐有優惠呀! 中環$568無限時Shabu-Shabu 任食松葉蟹龍蝦和牛 MOS Cafe九龍灣概念店 首度引入自選無公害蔬菜沙律 明天19/3開業!