潮跟英倫風Chill住歎 雞尾酒 x 點心 | likemagazine.com.hk
Shopping

潮跟英倫風Chill住歎 雞尾酒 x 點心

講起港式飲食文化,茶餐廳以外,飲茶都是特色之一。很多後生仔聽見飲茶,立即耍手擰頭,嫌老土喎!有呢種感覺,或者因為傳統飲茶要去酒樓,酒樓內大部分唔係師奶就係阿叔阿公阿婆,太老氣,覺得唔啱channel。其實近年想飲茶歎點心,香港地重有其他地方選擇呀,唔一定去酒樓!你試過在酒吧歎一盅兩件未?話說飲茶在外國愈來愈流行,在英國更潮興食點心配雞尾酒,chill住品味Chinese  food。呢股熱潮原來已經入侵外國人聚集的中環蘇豪區,有間名叫「興中會」的小店,就俾到呢種享受你。

 

路經呢間小店,單睇門面,你會以為不過係一間酒吧。的確,呢度賣嘅酒是出色的,因為坐陣的調酒師Jamie,擁有10年調酒經驗,而且曾在四季酒店任職,調酒功架有番咁上下。佢特別為多款中式點心調製出不同的雞尾酒,當中有4款更係獨創,打造不一樣的新食法。

 

 

煎炸小吃  X Kalbiste Golden Apple

Kalbiste Golden Apple($138)以冧酒、桂花、伏特加、蘋果汁、青檸、薑味汽水調配,一望材料便感受到當中的清新氣息。桂花預先浸入伏特加,所以入口有陣陣桂花清香。用來配炸點如鮮蝦炸春卷($13 / )、鮮蝦炸雲吞($13 / )、炸餃子($58)XO醬煎腸粉($38)等,剛好中和油炸的油膩。

 

蒸點X Clover Club

Clover Club($98)顏色夠搶眼,由紅莓、Gin酒、檸檬汁及蛋白調配而成,果味濃,易入口。最啱用來配蒸點,因為蒸點多肉、粉皮等如興中會蝦餃皇($15 / )、鮮蝦菠菜餃($15 / )、帶子黑松露燒賣($25 / ),多吃飽滯,雞尾酒味道帶甜酸,很開胃。

 

包點炒飯 X  Spicy Thailand

飲茶要飽肚,包點炒飯是最佳選擇。可是呢類食物澱粉質重,食完滯肚。Spicy Thailand($138)的辛辣味道,可給你一點味覺刺激。調酒師將辣椒及薑預先浸在伏特加中,再以檸檬草、朗姆酒、菠蘿汁、青檸、薑味汽水調配一起。入口時,香甜果味感覺良好,然後慢慢微微的辛辣味在喉頭放送,很過癮呢!重點推介呢款雞呢酒配興中會炒飯($158),炒飯是師傅的得意之作,用料包括XO醬、帶子、菜心、大蝦等,用料十足。特別一提是飯不是以電飯煲煮的,而是以蒸的方法烹煮,再以鐵板炒,所以飯粒不黏身,加上火喉夠,飯粒分明爽身,分外香口。

 

 

INFO

興中會

地址:中環蘇豪士丹頓街11號地下

電話:2110 0350

 

 

TEXT:黎力勤

 

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
下午茶歎日式火鍋 溫野菜下午茶套餐$59起 Victorinox鑽石山店搬遷 精選貨品低至3折 MÖVENPICK雙球杯裝 買1送1只限觀塘店 4球優惠價$69 喜茶尖沙咀開新店 必試金玉MINI茶 首3天限量送MINI袋 復活節自助餐早鳥優惠 官網訂6折成人晚餐$300 每日限50位訂位! 麥當勞和風漢堡第二浪 用App點餐有優惠呀! 中環$568無限時Shabu-Shabu 任食松葉蟹龍蝦和牛 MOS Cafe九龍灣概念店 首度引入自選無公害蔬菜沙律 明天19/3開業!