2019甜味開年 沙田清新打卡甜品| likemagazine.com.hk
Shopping

2019甜味開年 沙田清新打卡甜品

2019新年快樂!新一年新開始,想全年開心Sweet Sweet,不如由食甜點開始,嘴甜心都甜,心情靚靚,行步路都起勁啲!

 

香港地特色糕點小店有不少,不過講真,好多係賣gimmick,有樣無內涵,用來打卡ok嘅,但只限遠觀,吃下肚就no way。想兩全其美又有質素的,小記始終覺得幫襯酒店最穩陣。好似沙田凱悅酒店Patisserie 餅店,就是其中一間小記都畀like的甜品店。新一年,餅店甜品廚房主廚賴耀輝師傅有新諗頭,用柚子、香橙和青檸創作了幾款甜點。聽見用料,全部係清新系,而且甜中帶點醒神的微,好啱新年食,無論過去一年係好係壞,新年重新振作出發!

 

柚子芝士餅(每件$50,每磅$310)

小記向來like柚子,覺得味道清香,聞到陣味心情都靚晒!蛋糕頂層的淡粉紅色柚子慕絲,視覺上非常誘人,內餡是柚子果醬配搭忌廉芝士,甜而不膩。

 

朱古力香橙蛋糕(每件$50,每磅$310

望落去以為係普通朱古力蛋糕?凡事咪只睇表面!餅的低層是香脆杏仁蛋白餅,中間有一層酸甜鮮橙果醬及嫩滑燉蛋,舖面是黑朱古力慕絲。入口有陣淡淡鮮橙香味,而且有多種不同口感食材,平凡中有驚喜。

 

芒果青檸蛋糕 (每件$50,每磅$310)

呢件餅算異類,坦白講,青綠色頂,一般人見到都唔會揀。不過食得多甜餅,想要新鮮感,呢件一定要鼓起勇氣試。綠色的其實係青檸果凍,內裡有新鮮芒果粒及芒果慕絲,底下係檸檬慕絲。味道呢,一個字形容晒:「清!」

 

 

INFO

Patisserie 餅店

地址:香港沙田凱悅酒店大堂層香港新界沙田澤祥街18

電話:3723 1234

 

 

TEXT:黎力勤

 

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

editors@likemagazine.com.hk

相關文章
McCafé推出$32下午茶 期間限定爆谷飲品美食 必試!奶醬厚多士 三哥尖沙咀新店新形象 快閃派加餸優惠券 春日星巴克3重誘惑 新口味/櫻花杯/迷你分店模型 4月UNIQLO又有新Tee 任天堂系列經典Mario著上身 仲有新貴Splatoon! 下午茶歎日式火鍋 溫野菜下午茶套餐$59起 Victorinox鑽石山店搬遷 精選貨品低至3折 MÖVENPICK雙球杯裝 買1送1只限觀塘店 4球優惠價$69 喜茶尖沙咀開新店 必試金玉MINI茶 首3天限量送MINI袋