旺角新鮮清湯腩小店,必試各款牛腩、煎餃!| likemagazine.com.hk
Shopping

旺角新鮮清湯腩小店,必試各款牛腩、煎餃!

自從某一間食開嘅老店質素下降之後,一直都搵唔到一間心水舖食清湯腩,直至近排無意中試咗呢間,有D 驚喜,之後都食咗幾次。

 

主打新鮮料,牛腩食落係有水準,牛味夠,肥瘦適中。牛骨湯頭唔係好濃但屬於清甜嗰一隻,加少少胡椒味托一托,我幾次都有飲晒。$60幾蚊碗但份量好夠,肉多,三大件蘿白,少少牛根,係飽肚嘅。值得一讚係D 河粉一路食keep 住好爽口,係蘿白建議督幾個窿等佢索多啲湯先食會好D。鐘意有咬口嘅,㨂份限量嘅爽腩,個人鍾意食佢多過standard 牛腩。但坑腩位就未有機會食過喇。

 

另外胃食仲叫咗一份煎韭菜餃,$36 6 隻 (圖為已食咗一隻 :P),據悉係用黑毛豬,老實講唔識分,但幾香亦唔太油膩,韭菜夠晒多夠香。外身係底面同邊位煎過下,唔算好脆,但唔會係乾晒嗰隻,都幾好食嘅!

 

餃腩店 (旺角)

旺角豉油街88號地舖

 

 

二拾一井。Eat & Life

 

一齊分享「搵食」樂趣,立即Follow:

 

Facebook:https://www.facebook.com/21eatnlife/

Instagram:https://www.instagram.com/21eatnlife/

 

 

授權轉載  - 原文連結:https://www.instagram.com/p/BqAUqI1HomZ/

相關文章
尖東時尚冰室回味經典鐵板雜扒 VDL妝品造型甜點 星級酒店PANTONE色下午茶 送$210 VDL底妝產品包 明星熱捧餅店海港城開限定店 打卡送法式玫瑰蛋白餅 $1買Dyson 風筒│AirPods │Switch E-Max復活開倉最低2折 部分商戶多買再折! Venchi夏日雪糕新口味 打卡免費升級 / 贈朱古力 麥記推出限定和風 漢堡 21/3必試麻油味粉薯條 菠蘿批3月中回歸! 小雲小吉BB用品好Cute呀! 一田BB展獨賣兼特價 一田BB展今日開始喇! 尖沙咀惹味娘惹菜 酸甜辛辣醒神開胃 美食驅春濕!