人氣酒店自助餐 午餐大優惠 $168免服務費| likemagazine.com.hk
Focus

人氣酒店自助餐 午餐大優惠 $168免服務費

北角海匯酒店The Farmhouse自營業以來,自助餐長期full house,尤其假期,一位難求。想試又未能成功book到位,教你一招改策略,先試平日的自助午餐,包你一樣大滿足。星期一至五,中午12時至下午2時半(公眾假期除外),餐廳推出$168國際美食自助午餐,優惠期內,免服務費,不過成人及小童同價。菜式方面,一樣豐富,前菜、自助田園沙律及野菌吧,任你自行配搭心水口味。壽司吧提供多款壽司及即切刺身如三文魚、八爪魚、甜蝦等輪流推出。精選美食包括慢煮西冷牛、即製意大利薄餅,多款熱盤包括野菌煮雞肉、泰式豬頸肉及甜辣醬、香煎三文魚伴香草忌廉汁等。還有自行配搭以新鮮蔬果即榨的果汁、各式各樣的甜品。一樣食到捧住個肚走,但價錢平一截,又可避開晚餐人山人海,識食一定要識timing。
TEL:3896 9896
相關文章
Cosplay超級英雄打卡免費睇《終局之戰》 屈臣氏4折換購 姆明X BRUNO萌爆精品 H&M舊衣回收贈優惠券 BombShell食得又玩得引爆甜蜜驚喜 A-1 Bakery獨角獸新地夢幻滋味 沐白小農尖咀開第3分店 限量優惠$3歎招牌飲 限售333杯! Deliveroo Plus推月費 訂餐無限次免運費 美心x迪士尼公主蛋糕會發光,好夢幻!