味道驚喜體驗:Tokyolima日式秘魯菜| likemagazine.com.hk
Blog

味道驚喜體驗:Tokyolima日式秘魯菜

在香港日本菜你或者聽得多,秘魯菜你又有沒有聽過?但如果將兩者結合在一起,相信你一定未試過!原來不少的日本人曾移居到秘魯,因此就發展出這門咁特別的菜式,主要以酸辣為主,但口味清新,不如東南亞菜般「重口味」,同時又帶出層次豐富的味道。

在中環的Tokyolima的這款Brunch Set,只於周末供應,份量十足,包括4道前菜2道冷盤1道主菜加甜品,絕對飽肚。

 

頭盤中先來嘅炸雞同冷麵沙律

然後嚟嘅沙律「T-3」,就好似佢形容咁係一道如颱風般刺激味蕾嘅菜式- 沙律入面用唔同嘅材料及調味做成多重口感,時而爽時而香脆,一時係醋汁味道然後又食到材料嘅甜味,啖啖驚喜,真係非常鐘意!

另一道Lomo Saltado 係一味墨西哥tacos,用上超濃嘅薄荷醬,味道刺激未必人人受到,但換著鐘意食呢隻醬汁嘅就覺得好爽了!

其中兩款刺身H&M 及 Ceviche Clasico - 前者為吞拿魚及油甘魚,在刺身豉汁加入柚子嘅酸甜味道,非常開胃;而後為係秘魯傳統菜,用極酸嘅醬汁將鮮鱸魚肉醃熟,既有魚肉又不失刺身的鮮甜,這道菜更加入了秘魯出名的Tiger's Milk(由青檸及魚湯等混成的湯汁,不是老虎奶啊!)

吃完前菜你或者已經「飽到上心口」,但是還有主菜呢!這款Grilled Black Cod,燒魚扒又滑又鮮甜;而另一款煎牛扒Picanha,牛後腿肉牛味濃郁,外皮已煎到微濃的香脆口感,五成熟更可以保留嚼勁,非常高質!

作為一餐飯的完結,甜品送上了焦糖香蕉船伴玉桂蘋果。這裡的人均約$500 消費,可能有點兒奢侈,但你絕對會品嘗試從未感受過的味道,從你舌頭的味蕾爆發驚喜,絕對會為你帶來一場美食歷險!👍🏻

 

 

Tokyolima
地址: 中環擺花街18-20號地舖

 

資料來源:搵搵食食

Facebook: https://www.facebook.com/findfindeateat/

Instagram: https://www.instagram.com/findfindeateat/

相關文章