荔園夏日玩大啲| likemagazine.com.hk
Focus

荔園夏日玩大啲

荔園,今年又嚟喇!將於7月15日至8月7日在亞洲國際博覽館8號及10號展館舉行。舊年在中環海濱復辦,雖然地點算就腳,但露天關係,太陽猛烈嗰幾日去玩,好似乾煎一樣,玩得開心但勁辛苦囉!今年大會吸取大家意見,移師到亞博,室內加室外場館近2萬平方米,希望大家玩得舒服又安全喎!

山長水遠要人入亞博,究竟今年有乜玩呢?除咗依然有經典遊戲和活動,如大象TINO、擲階磚、碰碰車、大舞台等,亮點之一有全港首個由德國RiMO引入的電動高卡車車場,到時大家可以變身車手,以最快時速50公里在全長650米長、由米高舒密加的賽道設計師Michael Kolbinger所設計的賽道上飛馳!大會仲會幫你記低圈速,最快一位可以得到將於10月在香港舉行的香港電動大獎賽Grand  Stand 門票2張。另一個吸引位係大家可以玩玩電視節目入面嘅充氣大暴走。近年舉行的充氣嘉年華,一般只讓小童玩,今次大人終於可以參與,約埋幾個friend一齊挑戰最啱。荔園是成年人的回憶,好多人入場為懷舊;小朋友入場呢?今年有妖怪手錶地縛喵和一班朋友仔跟小朋友玩互動遊戲,考驗反應、配對和認知能力。入場時時每人獲發蓋印卡,集齊蓋印有機會得神秘禮品。

今年荔園唔再免費,星期一至四全日或星期五至日中午12時前入場,成人$140包10個代幣,星期五至日中午12時至8時入場,成人$180包12個代幣。65歲以上長者半價,小童3歲以下免費。留意,玩電動高卡車要另外付費,每位$280。6月1日起,可在網上預購套票及電動高卡車門票。

Info
laiyuen.hk

 

荔園有限公司主席邱達根於「荔園Super Summer 2016」新聞發佈會上介紹荔園一系列嶄新的遊戲活動及多個精彩環節。

相關文章
荷里活廣場4D限量版利是封│拉開封套牛牛彈出輕擦飄果香荷里活廣場4D限量版利是封│拉開封套牛牛彈出輕擦飄果香 白熊和蜥蝪化身熱辣蒸包│唐記包點X角落小夥伴推限定食品白熊和蜥蝪化身熱辣蒸包│唐記包點X角落小夥伴推限定食品 基督教勵行會慈善步行│完成1萬步籌款支援基層兒童基督教勵行會慈善步行│完成1萬步籌款支援基層兒童 佳節送禮表心意兼做慈善│基督教勵行會推出限量聖誕禮品佳節送禮表心意兼做慈善│基督教勵行會推出限量聖誕禮品