香港限定 韓冰紫薯甜品| likemagazine.com.hk
Focus

香港限定 韓冰紫薯甜品

甜品對女生而言,好似有難以抗拒的魔力,就算明明食到飽,一見甜品,胃納即時騰出空間來。早前行經銅鑼灣時代廣場,發現韓國人氣甜品店「韓冰」原來喺度開咗分店,當然要去朝聖一下。呢間舖位置有啲隱蔽,在9樓上層,在書店旁有條自動電梯直達。比起尖沙咀開放式的分店,呢間無論環境、裝潢,更近似韓國原店,韓feel更強,韓迷幫襯會覺得更親切。

這一排2人高腳凳座最啱情侶對坐吃甜品,sweet!

 

近來甜食界吹起紫薯風,「韓冰」都趁住呢股「食潮」推出多款以紫薯為主Violet Collection甜品,而且只限香港店供應,韓國總店都無㗎,當然要試一試。

雪花冰向來是此店的招牌,大大碗,一班人食,開心share。紫薯雪花冰($80)今次配料改用紫薯,牛奶雪花冰上的紫薯蓉,軟綿香糯,口感一流;味道甜度得宜,陣陣薯香,非常誘人。為增加食味,原來牛奶冰裡層都有一層紫薯蓉㗎,就算食咗大半,依然有紫薯甜香。

紫薯雪花冰,賣相靚,味道好!

 

氣候反常,雖然天氣唔係好凍,但天涼食冰,始終未必人人受得住。要歎個暖笠笠的甜品,可以一試紫薯脆脆波($60)。個人覺得,呢個甜品是奶油豬的變奏版,圓形麵包表面烘得香脆,配上1球甜薯蓉,本來淡而無味的麵包即時味道升「le」,好味得停不了口。

紫薯脆波波的麵包外層香脆,配合軟綿的紫薯蓉,回味無窮。

 

甜食之外,來多杯甜飲吧!在咖啡中加入大量鮮奶的Latte,向來係唔少人的摯愛,順滑口感,令人感覺舒服。當紫薯混入Latte,嘩!呢杯紫薯Latte($30)更加令人愛不釋手,又香又滑又甜又順,幾乎係完美的配搭。

寒冬天喝杯紫薯Latte,暖入心!

 

聖誕將至,韓冰推出一系列Red Velvet Collection,以冬季當造的士多啤梨和野莓為主要食材,全系列食品和飲品披上紅衣,好有聖誕feel,最緊要係好味、甜而不膩。

Red Velvet Snow Ice($80)賣相好有聖誕feel!

Red Velvet Latte($30)香甜氣味濃郁,非常誘人。

Red Velvet Toast($60)多士層層疊,成班人開心share。

 

Web:www.facebook.com/Hanbingkr

相關文章
基督教勵行會慈善步行│完成1萬步籌款支援基層兒童基督教勵行會慈善步行│完成1萬步籌款支援基層兒童 白熊和蜥蝪化身熱辣蒸包│唐記包點X角落小夥伴推限定食品白熊和蜥蝪化身熱辣蒸包│唐記包點X角落小夥伴推限定食品 大掃除不靠化學用天然│檸檬白醋梳打粉強效除萬年漬大掃除不靠化學用天然│檸檬白醋梳打粉強效除萬年漬 佳節送禮表心意兼做慈善│基督教勵行會推出限量聖誕禮品佳節送禮表心意兼做慈善│基督教勵行會推出限量聖誕禮品 荷里活廣場4D限量版利是封│拉開封套牛牛彈出輕擦飄果香荷里活廣場4D限量版利是封│拉開封套牛牛彈出輕擦飄果香