聖誕商場好節目 - 置富Malls x miffy 60周年慶典

We wish you a merry Christmas……踏入12月，去到邊都聽到呢首經典歌，不斷疲累轟炸，有時真係好想大聲叫「熄咗佢吖唔該！」我明，人家播聖誕歌無非搞氣氛，所以最後我耐心聽落去，竟然開始入埋腦，連個心慢慢跟住唱！講咁多，只想同你講，聖誕到，要搵定節目慶祝。未有著落的，不妨plan條路線行勻香港各大商場，趁人多當有人陪唔寂寞，有卡通人物聖誕樹畀你selfie，又有活動你參加，重有禮物你攞添！幫你精選咗以下9個商場好去處，聖誕自製快樂，就係咁簡單囉！

卡通人物彈起，不會無因，有的因為人氣漫畫書，有的因為有卡通片催谷，人稱「交叉嘴兔」的miffy，人氣值原來來自故事書。呢隻賣純情可愛童真的小兔兔，單憑個樣已經迷惑大人和小朋友的心；以佢做主角的故事書，由於內容富有教育意義，遂成功取得一眾年輕父母的歡心。一直以來，miffy靠賣精品已夠儲人氣，今個聖誕，適逢60大壽，佢直接飛來香港慶生，粉絲有機會近距離同佢見面，又點會唔冧？置富都會、置富嘉湖、馬鞍山廣場和置富第一城已經擺好特色布置，等各位粉絲去selfie留念。特別留意係其中一隻置於馬鞍山廣場巨型miffy，係1955年誕生時的原型，粉絲一定要把握機會同佢留影；同場更有多達180本附有不同語言翻譯版的miffy造型封面設計故事書展，miffy百變造型一次過show晒畀你睇。推廣期間去指定商場消費滿指定金額，可以免費換miffy禮品，帶埋佢返屋企！

miffy於1955年誕生時，原來係咁樣！
來自荷蘭的miffy加上風車屋，好襯呀！
置富嘉湖的藍色星空及小屋，富有佳節浪漫氣氛。
慢慢回味miffy的變化和成長歷程吧。
來到置富第一城，你可以與miffy共坐郵輪，歡度聖誕節。
miffy在12月13 、19及20日將出巡與粉絲見面。

Info
置富Malls ×miffy 60周年慶典
日期：即日至12月31日
查詢：www.fortunemalls.com.hk 

Text•Lilian、黎力勤      Photo•ICC、部分由相關商場提供