月餅新潮10大| likemagazine.com.hk
Special

月餅新潮10大

近年各大品牌力谷新款式月餅,食材mix & match,鹹甜口味愈出愈新奇,口感有軟有硬有流心,超出所想。味道以外,有些月餅以賣相吸客,卡通造型,cute得粉絲難忍手。即刻送上10大精選新潮月餅,埋嚟睇埋嚟揀,送禮自用兩相宜!

1.星巴克月餅 $288 / 4個 (h)
名牌效應,送給咖啡迷一定歡喜。4款口味,包括全新的海鹽焦糖麻糬朱古力及抹茶麻糬紅豆,以及經典的特濃咖啡杏仁及日式焙茶桂花,有點心思,值得一試。


2.Das Gute 梳乎蛋金紗月菓 特價$118 (a)
人稱「蛋黃哥」的梳乎蛋,紅到發紫,有佢出現必有尖叫。月餅印有佢個樣,粉絲必搶,係就快手,只得沙田、大埔和觀塘一田百貨限量供應咋!

3.榮華芝士芝心朱古力 $42  / 2個 (d)
自問唔怕肥、唔怕重口味,不妨試試呢款月餅。外層是朱古力皮,餡料採用香濃朱古力豆蓉,仲要加芝心,甜加膩的重料配搭,目的令你試到幼滑酥軟口感喎!

4.田家舍酥皮綠茶紅豆月餅 $338 / 6件(i)
月餅加入和風元素,綠茶紅豆人氣大熱的配搭,外層酥皮用日本靚綠茶粉加牛油和牛奶製成,入口鬆化,近乎即融口感。1盒2款月餅口味,另一味道是奶黃。

5.山下菓子迷你月餅Hello Kitty / My Melody / Little Twin Stars  特價$180 / 2盒 (a)
Sanrio家族連月餅都不放過!月餅印有可愛卡通圖案,味道有朱古力、抹茶、奶黃和藍莓味,少少甜,細細件,女生最like。只限沙田、新蒲崗、屯門一田百貨有售,唔好去錯地方。

6.名廚徐×「龍門海鮮酒家」皇帝月餅 $198 / 4件 (f)
選用低膽固醇的白鴿蛋,取其蛋黃自家醃12至15天製成鹹蛋黃,配上幼滑紅豆蓉,令人期待的美味。餅皮棄用傳統糖皮改用曲奇皮,減糖減油分量,食得健康 。

7.Häagen-Dazs「夜會巴黎」雪糕月餅系列 – 九星映月 $618 / 9個(e)
餅面有塊印住法國特色建築物的朱古力,唔食都睇得。口味方面,中間「大月」用法國製造的仙人掌果蓉加入紅桑子果蓉及香檳醋造流心餡,配士多啤梨味雪糕,配搭創新吸引。

8.聖安娜至脆冰皮月餅 $225 / 8個 (c)
餅皮印上祝福語,代你講出心裡的說話。一盒8款不同口味,必試海鹽焦糖脆脆夾心,軟中有脆,甜得來有微鹹,味覺大挑戰,媽呀!我好亂呀!

9.HeyYO!! 貓山王榴槤雪糕月餅 $498 / 4個 (g)
榴槤迷不能錯過的月餅,採用馬來西亞樹上熟貓山王製成的榴槤蓉作餡,月餅一切開,即時飄香,榴槤蓉加乳酪又綿又滑。月餅外層包意大利朱古力,一流享受。

10.奇華迷你金絲果仁月 $ 168 / 8個(b)
這款「有營」月餅,餡料混合意大利橙皮條、鳳梨醬及多款果仁,將本來飽滯的月餅變得輕盈,味道甘甜得來好fresh,仲要高纖,怕肥又貪食者恩物!

 

傳統湯丸創新口味
中秋金句:「團團圓圓」,於是大家飯後都會來碗湯丸。傳統湯丸口味,來去唔係芝麻就係花生,早幾年有奶黃、紅豆,算有點新意,但都是舊調。湯丸名牌小寧波今年決定給大家驚喜,推出綠茶紅豆味道,係咪好吸引先?外皮依舊軟糯煙韌,內餡茶味甘香,紅豆清甜。傳統加創新,值得支持買來試一試。


查詢:2151 9001

 

Info
a/ www.yata.hk b/ 2785 6066 c/ 2991 6677 d/ 2477 9947 e/ Häagen-Dazs 2629 6116 
f/ 3488 7827 g/ 2951 5724 h/ www.starbucks.com.hk i/ 2972 2666

Text•黎力勤     

相關文章
情人節親手調製雞尾酒│DIY套裝跟step做輕鬆添浪漫情人節親手調製雞尾酒│DIY套裝跟step做輕鬆添浪漫 佐賀莓小姐大粒多汁超甜│必試多款期間限定甜品佐賀莓小姐大粒多汁超甜│必試多款期間限定甜品 媽媽夥拍前酒店餅廚研製蝴蝶酥│嚴選天然食材低糖超級鬆脆媽媽夥拍前酒店餅廚研製蝴蝶酥│嚴選天然食材低糖超級鬆脆 支持環保實踐減廢生活 │總有回收點喺你左近支持環保實踐減廢生活 │總有回收點喺你左近 聖誕親子虛擬跑│做運動慶佳節做慈善聖誕親子虛擬跑│做運動慶佳節做慈善 大埔懷舊裝修點心店│點心現店製作即叫即蒸大埔懷舊裝修點心店│點心現店製作即叫即蒸 和民極平版Omakase $160歎8道菜│帝逸酒店推廚師發辦海膽午晚餐和民極平版Omakase $160歎8道菜│帝逸酒店推廚師發辦海膽午晚餐 馬鞍山新開煲仔飯店│同場加映記者親試快餐店連煲外賣馬鞍山新開煲仔飯店│同場加映記者親試快餐店連煲外賣