偽文青即興遊首爾 行程請加呢3個洞| likemagazine.com.hk
Travel

偽文青即興遊首爾 行程請加呢3個洞

近年每到農曆新年,很多人遠遊避年。旅遊搜尋網站Skyscanner.com.hk發現,去年在農曆新年前1星期訂購避年假期機票的數量,相對於早 90日前訂票比例上較前年同期微升 3 %,而新年前1天才訂票的比例更增長超過14%,顯示港人農曆新年喜歡即興旅行。根據數據,暫時最受港人歡迎的2019 年農曆新年遊熱地點首位是首爾。

 

話明即興,好多人訂咗機票酒店就出發,至於去邊度玩?到埗先算。今時今日,即興旅遊絕對無問題,只要有手機在手,又接通網絡,上網搵資料話咁易。話雖如此,自己搜索都要時間,唔想浪費寶貴的出遊時間,若果你真係咁啱plan好農曆年去首爾,但未有行程計劃,不如睇睇以下介紹。

 

遊首爾,大路行程不外乎明洞、東大門、江南、弘大、梨大,呢啲主要係shopping熱點,買到無停手。唔想咁物慾,要學人玩知性旅遊,享受生活,深入認識韓國文化,除了熱門的韓屋村外,不妨在行程中加入呢3個洞,變身「偽文青」,打卡集郵呃下like,又自我感覺良好。

 

益善洞

呢個近年在網絡上熱傳的景點,因為較多搞文創、藝術的人進駐開店,街頭街尾隨時搵到不少風格獨特的咖啡店、餐廳、精品店等,所以成為文青的熱門訪探地點。在一間接一間古色古香的韓屋裡,賣的是時尚流行的東西,新與舊的對比和衝擊,留待你發現和感受。

 

 

聖水洞

講到時下韓國年輕人熱遊的地方,位於漢江觀景區內的聖水洞定必榜上有名。這裡原本是小工廠的集中地,尤其出名是製靯的,但隨著愈來愈多老建築被重新改建或裝修,整區煥然一新,獨特的氛圍吸引了很多年人的眼球,有人形容這裡是首爾版的「紐純布魯克林」就係咁爆紅了。聖水洞是尋味聖地,火熱的有韓國家庭式料理店、麵包店及被喻為首爾最強的肉排店,還有很多美美的咖啡店等,找個下午去閒遊,感受一下韓國的新生活吧!

 

 

延南洞

鄰近弘大的延南洞,本來是平凡寧靜的住宅區,但因為環境清靜優美,獲年輕藝術家、設計師垂青,平凡的小區就係咁起咗變化,搖身一變成為特色景點,吸引很多人到來朝聖。追開韓劇的人更要到此一遊,因為《太陽的後裔》其中一個拍攝場地,即是女主角姜暮煙的屋企,就是這裡一間展示綠色環保木材家具的店。走進延南洞巷子,隨時有意外驚喜,特色塗鴉牆、餐廳、小店外,特別介紹是傳統市場Dongjin市場,雖然規模較小,但現場有很多精美手工藝品,不妨解慳囊,支持一下。

 

 

 

TEXTJosi Yan

CREDITKorea Tourism organization

 

 

 

TEXTJosi Yan 

 

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

 editors@likemagazine.com.hk

相關文章
迎接日本櫻花季 東京日本橋花花世界 快閃泰北清萊3日2夜 自由行懶人包行程 告別港女式旅行 遊關島做瑜伽身心靈之旅 唔使同夏蕙姨爭頭位 粉嶺篷瀛仙館首辦頭香活動 2019韓國賞櫻浪漫攻略!開花時間預測+首爾賞櫻熱點 周末親子入沙田 渠務署開放日長知識 拍劇綜藝取景地點! 韓國3大必去彩色村莊 蟻俠黃蜂女3月底出擊 迪士尼新遊樂設施玩啲乜?