周末親子入沙田 渠務署開放日長知識| likemagazine.com.hk
Travel

周末親子入沙田 渠務署開放日長知識

唔經唔覺,又到周末,搵定節目未?未有plan,不妨一家大細去沙田污水處理廠,參加渠務署一年一度的開放日。聽到污水廠和渠務署,咪「拿」晒口面,場內完全聞唔到臭味,參觀一轉,重可到好多新知識添!

 

今年是渠務署成立30周年,署方會回顧過去30年的工作,並介紹沙田污水處理廠遷往岩洞的資訊。開放日除了硬資料外,場內也有舞台表演、攤位遊戲、兒童天地、親子植樹等,適合一家大細一齊參與。玩到肚仔餓,唔使擔心,現場有美食車,供應小食飲品。溫馨提示,自攜餐具和水樽可獲得美食車折扣!活動場地亦設有飲水機,鼓勵入場人士自備水樽,一起身體力行支持環保。

 

小編約兩年前去過開放日,因為陪家人,所以抱著到此一遊心態,但到場後,發覺不枉此行,大開眼界。必定要去,就算排隊都要等(其實唔使等好耐!),就是到污水廠內大型的圓型塔上參觀。其實呢啲係污水處理池。平日大家在家開水喉或按掣把污物沖走後,污水要經過幾多過程,先可以排出大海呢?現場有職員詳細講解污水處理的程序。雖然眼前一池又一池的是污水,但親身參觀過,完全不覺有異味,印象中除了行近一個初級沉澱池,因為池中有微生物分解污水中的污染物,有輕微味道外,沿路行都無問題。雖然平時公眾或有機會入內參觀,但只限學校及團體申請。今次任何人都有機會入內睇睇,不要錯過機會啊!活動費用全免。開放日不設 公眾泊位,建議大家可以去沙田及大學港鐵站轉乘免費穿梭巴士。

 

 

交通:

免費穿梭巴士

乘車地點:港鐵大學站B出口巴士站旁上落客區及港鐵沙田站B出口排頭街上落客區

時間:上午915分至下午4

班次:約1015分鐘一班

 

 

INFO

www.dsd.gov.hk

 

 

 

TEXTJosi Yan 

 

如有任何有關旅遊、飲食、購物著數優惠、玩樂、美容或健康等資訊,歡迎大家報料給小編啊~~

 editors@likemagazine.com.hk

 

 

 

 

 

相關文章
迎接日本櫻花季 東京日本橋花花世界 快閃泰北清萊3日2夜 自由行懶人包行程 告別港女式旅行 遊關島做瑜伽身心靈之旅 唔使同夏蕙姨爭頭位 粉嶺篷瀛仙館首辦頭香活動 2019韓國賞櫻浪漫攻略!開花時間預測+首爾賞櫻熱點 偽文青即興遊首爾 行程請加呢3個洞 拍劇綜藝取景地點! 韓國3大必去彩色村莊 蟻俠黃蜂女3月底出擊 迪士尼新遊樂設施玩啲乜?